بجاحة وسفاله وقذاره وقلة أدب .. الشذوذ انتشر يارجاله بمصر

مبروك عليكم جيل شاذ جنيسا”

egypt 2008 مقال : بجاحة وسفاله وقذاره وقلة أدب ... الشذوذ انتشر يارجاله بمصر

السلام عليكم ورحمة الله وبركاته
لقد لاحظت خلال اجازه الصيف ظاهره سلبيه فى الشارع ولم الاحظها هذه السنه
فقط ولكنها طوال العمر ولكن زادت بشكل مخيف جدا فى هذه السنوات ، وهذه
الظاهره لعب الاطفال بالشوارع.
طبعا الناس حتقول ايه الهبل ده ، هي بتتكلم فى ايه ، ايه المشكله ان الاطفال تلعب بالشارع
لا هي مشكله ومشكله كبيره للاسف
فقبل اى شئ انا ابنه حى شعبيي وانتقلت للمعيشه فى مكان راقي جدا” ولكنني بالرغم
من كل هذا احب قضاء رمضان فى الحي الشعبي الذى ولدت فيه لان هناك رمضان له
روحانيات وجمال غير عادي
لكنني هذا العام بالذات وانا فى الحي الشعبي ارى اطفال خلال فتره الاجازه ينزلون الشارع
من الحاديه عشره صباحا واحيانا قبل ذلك ويستمروه باللعب فى الشارع كره القديم حتى
الساعه الواحده صباحا بعد منتصف الليل …
طبعا” لان اهاليهم معالماهم ان مثلهم الاعلى ابو تريكه و الحضري ، مش دكتور زويل
مش مشكله ، الرياضه كويسه بس بمكانها

والسؤال هنا
كيف تركهم ابائهم للمكوث فى الشارع كل هذه المده بدون السؤال عنهم اين هم
والغريب ان منهم الكثير غريب عن المنطقه
وبالتالي طبعا هؤلاء الاطفال بياكلوا من الشارع وشكلهم مقزز وزي الزفت بملابس
وسخه مهلهله وبالتالي ايضا” يقوموا بالتبول بالشارع وقضاء حوائجهم طبعا يرجع
البيت ليه ماهو مقضي ليله ونهاره فى الشارع.
وبالذات فى رمضان ، اصبح معني رمضان لعب كره القدم فى الشارع من بعد الافطار
حتى الفجر حتى زينه رمضان اصبحت لغرض اناره الشارع للعب الكوره وليس لفرحة رمضان

هل يعقل ان حوالي اكثر من خمسين طفل فى الشارع قارفين الناس ليل نهار بسبب الكوره
اهليهم تريح دماغها وتنزلهم الشارع ليل نهار علشان يقرفوا الناس بالازعاج بصوتهم
ومش عارفين ننام ولا حتى نعيش صاحين بدون ازعاج ،  مش عارفين نصلي ولا نقرا قران
ولا حتي نتفرج على التلفزيون بس صوتهم العالي والتهليل بسبب انه جاب جول ، اصله
جاب الدين من ديله اسم الله عليه.
داخلين جوا بيوتنا بهذا التلوث السمعي وفارضين نفسهم فرض.
ده غير صوت الكره وللاسف اصبحنا شعب عنده لا مبالاه محدش بيتكلم واللي بيتكلم
ويشتكي يعتبروه انسان مجنون ، ويقولوا رمضان بقى كل سنه وانتوا طيبين
يعني ايه رمضان ، نقرف الناس يعني
اصبحت كلمه كل سنه وانتوا طيبين تقال للشحاته و لتجاهل الاخطاء للاسف
وطبعا محدش يحب يتكلم علشان سايب ابنه صايع فى الشارع ليل نهار.
يعني مش عارفين مبدأ الامر بالمعروف والنهي عن المنكر.
واللي يودي ابنه النادي ، بعد مايرجعوا بقى مش حيروحوا على بيوتهم ، لا يستمروا
فى الشارع يلعبوا ويكملوا لعب
وصدقوني اوعوا تقولوا الفقر السبب، بالعكس الاخلاق والتربيه مالهاش دعوه بالفقر
المفروض ان الابن يكون مراقب من اهله والمعروف ان تربيه الشارع سبب كل البلاوي
اللي يلعب فى الشارع بيكون بالطبع ( شوارعي ) بيسمع ويشوف مالايحمد عقباه.

المصيبه بقى ، ثم المصيبه ، ثم المصيبه
ان اثناء مراقبي لهؤلاء الاطفال دول وجدت مصيبه وكارثه كبرى ، ان اطفال صغار يدخنوا
السجائر ، بل يقوموا بتعاطي المخدرات على الملآ فى الشارع بدون خجل ولا خوف
ولا حياء  وشرب البيره.

والمصيبه السودا والكارثه الحقيقه  وحتقولوا عليا كدابه انه سوف يكون هناك جيل
قادم شاذ جنسيا

فهنيئا” لنا بالجيل الشاذ

اصبح فى الشارع هؤلاء الاطفال ومن هم فى سن مراهقه ورأيتهم بعيني انا وامي اثناء
وقوفنا فى البلكونه مساءا” فى الشارع وفوق احد السيارات اللي قاعدين يطلعوا عليها
فى الشارع وكسروها بسبب عدم التربيه وقله الادب وعدم تعليمهم السلوك والاداب العامه
وجدنا هؤلاء الاطفال وللاسف الموضوع محرج شويه ، كل منهم يستعرض اعضائه الذكريه
لصديقه ، وللاسف يحضروا اطفال صغار جدا سن ثلاث سنوات ويقوموا باعمال شاذه
والاطفال تصرخ ، وحين نادينا لبواب العماره لينهرهم ، نجد منهم كل تبجح وقله ادب
وعدم حياء وكأنهم بيعملوا شئ عادي

اصبحت هذه العاده نراها يوميا
وقمنا بالفعل بأبلاغ اهلهم ، هناك من كذب وقال انا ابنائي متربين احسن تربيه
وهناك من قال ( اعمل ايه انا راجل غلبان وشقيان طول النهار فى الشغل وبالليل اروح
اصلي التراويح وارجع تعبان وانام ، اعمل ايه يعني )
ميعرفش البني ادم  ده ان تربيته لابناءئه اهم عند الله سبحانه وتعالي من صلاة التراويح
وللاسف اصبحت العاده دي منتشره بين اكثر من حوالي خمسون طفل بالشارع.
وجدت جارتي صباحا نازله للعمل ورات على السلم اربع اطفال سنهم من بين 9 و 11 سنه
يقوموا بعمل ممارسه جنسيه شاذه على السلم صباحا” .
بالله عليكم لما يكون الطفل قاعد فى الشارع ما لايقل عن 18 ساعه حيكون بيعمل
ايه يعني ، لازم يتعلم الشذوذ ويتعاطي المخدرات ويخدش الحياء
وطبعا مش عندنا بس ، فمثلا فى الخليج وبعض الدول العربيه يتركوا ابنائهم لمربيات
اجنبيات ومنهم من يمارس معهم الجنس .
فين مراقبه الاهل مش عارفه ليه الاباء والامهات ميراقبوش موبايلات اطفالهم ومراقبتهم
وهم على النت
ليه الناس بقت تربي اللحى وتلبس الحجاب ومبتربيش اولادها
اليس هذا من الدين ، دي اهم صفات الدين والايمان
من راى منكم منكرا فليغيره بيده ، للاسف الناس بتحب تتفرج فى بلدنا على الكوارث

اصبحت الناس تجاهر بالافطار فى الشارع طول النهار الناس تشتمم فى بعض وتسب
بعض وتغتاب بعض

شوارعنا اصبحت اقذر من القذاره ، عمال النظافه عملهم الوحيد هو الشحاده

بلدنا اصبحت اقذر بلد فى العالم اتحدى ان توجد بلد فى العالم اقذر من بلدنا

اتحدى ان تجد بلد فى العالم الاطفال ليل نهار فى الشارع
احدى ان تجد بلد فى العالم عملتها الورقيه  بالقذاره والوساخه دي مثل عملتنا الورقيه.
اتحدي ان تجد بلد فى العالم تتمتع بالمظهر الديني والجوهر الا اخلاقي
اتحدي ان تجد بلد فى العالم فيها ارصفه مثل ارصفتنا طول الرصيف متر
اتحدى ان تجد بلد فى العالم يحدث بها تحرش جنسي للفتيات مثل بلدنا
اتحدي ان تجد بلد فى العالم فيها نهب لثروات البلد مثل بلدنا
اتحدى ان تجد بلد فى العالم فيها فوضى وعدم نظام مثل بلدنا
اتحدى ان تجد بلد فى العالم تسمع بها الالفاظ وسب للدين مثل بلدنا
اتحدى ان تجد بلد فى العالم الناس تمشئ تتخانق مع بعضها بدون سبب
اتحدى ان تجد بلد فى العالم تجد بها مباني وحوائط متسخه باليفط الاعلانيه
اتحدي ان تجد بلد فى العالم بها تاكسيات ووسائل نقل مثل بلدنا
اتحدى ان تجد بلد فى العالم فيها كميه شاحتين مثل بلدنا
اتحدي ان تجد بلد فى العالم بها اجرام زي بلدنا
اتحدى ان تجد بلد فى العالم بها كميه الدي جي فى الشوارع مثلنا.

نفسي حد يقولي السبب ….!!

فيه فيروس انتشر فى بلدنا بعدم الا مبالاه
اصبحنا ملجمين

ليه كده …. كانت بلدنا زمان اجمل من اوروبا
كانت بلدنا زمان من انظف المدن بالعالم
كانت بلدنا زمان عام 1912 عاصمتها اجمل مدينه فى العالم
كانت بلدنا زمان يمتازوا اهلها بالعلم والعلماء والدين ، وهي موجوده حقيقا للان
كانت بلدنا زمان رمز للحضاره الحقيقه
كانت بلدنا زمان رمز للشياكه والتقدم
كانت بلدنا زمان رجالتها رجاله بجد تتحمل المسئوليه الزوج والزوجه عارفين معني
التربيه والمسوليه تجاه بيوتهم وابنائهم.

اما دلوقتي واحسرتااااااه …

وعاوزين السياحه تنتعش …. بلا نيله
ده حتى الفنادق اصبحت الليله فى فنادق مصر اغلي من قضاء خمسه ايام فى تركيا
شامله تذاكر السفر والاقامه
وعلشان تقعد على الكورنيش تدفع دم قلبك لبتوع حمص الشام والذره والا يمشوك
بالعافيه ووضع اليد
وعلشان تقعد على البلاج تدفع دم قلبك تذاكر للدخول وثمن للكراسي والترابيزات

مافيش غير اني اقول ….

حسبنا الله ونعم الوكيل وربنا يصلح الحال

اللهم امين

بقلم :

Amal Tawfik

مصر