بسم الله الرحمن الرحيم ,

السلام عليكم ورحمة الله وبركاته .. =)

شخبآركم ؟ عسساكم بخير .؟

وااااااااوك من زمااان عن القروب والمواضييع

< خخ يقآلي راعية مواضيع كثيره !

موضوعي اليوم غير وبإذن الله بيعجبكم

وهو عبارة عن تقرير مصور عن زيارتي لاستاد الملك فهد الدولي

يوم الأربعاء الموافق 26 / 6 / 1431هـ

احم .. :$ يمكن تستغربون زيارة بنت , ولملعب بعد !

لكن السآلفه ومافيها أن المدرسة سووا لنا رحلة كـ مكافأة لنشاطنا هـ الترم ,

وقالوا اختاروا لكم مكان تزورونه ..

بالبداية قلنا نبي دار الآيتام , واللي تقول دار العلوم والتقنيه , واللي تقول دار العجزه < ماقلتها أبد

وحده من البنات قآلت مستشفى المجآنين .. !

زود على هبالنا نبي ننهبل زوود !!

ووحده منهم قالت نروح للملعب البنت قالتها مزحه .. وانقلبت جد !

و وافقنا .. بس باقي موافقة مسؤول الملعب + موافقة المديره << اهم شي عااد ..

وبعد حوسه وخرابيط وافق كلا الطرفين ولله الحمد ..

وجاء يوم الاربعاء ومشينا للملعب ع الساعه 8 ونص الصبح ,

وطلعنا منه ع الساعه 10 وخمس ..

وكان معنا استاذتين و 13 طالبة =)

تابعوا معي . . .


قبل ما ابدأ :
ترى الموضوع برعاية ” نادي الهلال “
< بتشووت


>> خخخ استانست ع الفاصل كل شوي رآزته

بسم الله ..

هوون بالباص .. أول ما قربنا من الاستاد



وهوون بعد مادخلنا . . طبعاً حالتنا “ حدّث ولا حرج ! “

كلنا في حالة يرثى لها من زود الفرحه ياعميرتي , منحب مصدقين اننا دخلنا عند الاستاد !



استقبلنا المسؤول .. ودخلنا جوّا
بعدها مشينآ شويتين قدام هوونيك .. واثر فيه قاعه وبالنص رجال واقف يحترينا
< تسمع بالوصف

القاعه :


طبعاً ماصورت الانسان اللي استقبلنا , اغلبكم يعرفه أتوقع !
< مسويه حمااس

قال لنا تفضلوا .. وجلسنا هوون :


عرفنا على نفسه .. المهندس : سليمان النمشان

حيّانا أول شي , وهيك ..

بعدين بدأ يتكلم لنا عن تاريخ الاستاد , والأفكار الاساسيه اللي حطوها نصب أعينهم اثناء تصميم الملعب ,

وعدد الكراسي اللي بالمدرجات , وتكلم شويتين عن الشباب وان الملعب هو المتنفس الوحيد لهم و و و ..

ماأذكر كللل كلامه تماماً لكنه كان مترابط , مهوب مثل مافرّقتهم فوق

وبنقل بعض مما قاله لنا حسب ما أتذكر, لحد يشره

اول شيء / الملعب صُمم عام 1403 هـ , استغرق تنفيذه حوالي 4 سنين وشوي ,

تصميمه يشبه خيام منوول .. وسقف هالخيام مصنوع من ماده غير قابله للاحتراق ..

وجاب لنا جزء صغيير من المادة المصنوعه للسقف الخارجي للاستاد , وطلع ولاعه ..

وجرّب يحرقها قدامنا .. ولا احترقت !

رفع راسه لنا وحنا كييذآ

فقال لنا انها مصنوعه من مادة نسيت وش اسمها .. مخلوطه مع الزجاج , ماتسبب الاشتعال ..

ومن ضمن الاشياء اللي قالها وركزت بنفسي سالفة الملعب والشباب و الخمبقه اللي يجيبونها معهم +

حركة الزلزال اللي يسوونها بالملعب + أثر التربيه على المجتمع ككل !

شيء يقهر من جد !

اول شيء قال لنا انوو الملعب يعتبر المتنفس الوحيد للشباب , اغلب الأماكن تحت مسمى [ للعوائل فقط ]

مع ان المتنفسات بنظري كثيره , لكن فهمت من وجهة نظره أن الملعب تقريباً اكثر شي يقدر ياخذ راحته هونيك

ولا من شاف , ولا من درى :p !

يعني بعضهم “ الله يهدينا واياهم “ يسلم بضاعته المخدراتيه هناك !

وجاب لنا أمثله حيّه قدامنا

يقول بعض الشباب اللي يجون الملعب يكونون مشحونين أو متهاوشين مع أحد ,

فيجي للملعب ويفرغ شحناته كلها هوون !

وكثيير منهم نمسك معهم ممنوعات / أسلحه – مخدرات – سكاكين و و و

* ثقافه . . صح ؟


راح شوي ورجع لنا ومعه ظرف كبير , يحتوي ع عدد كبير من الأسلحه + مخدرات

أول شيء طلع لنا شيء يشبه القفاز .. ينحط ع اليد

عاد الشباب ابخص مني بهالامور .. ما أعرف اسمها

يوم قلبه لنا واثر داخله سكينه صغيره مخيوطه معه من جوّا

* ثقافه . . صح ؟


طلع لنا شيء ثاني !

عبارة عن قلم عااااادي ..,

قال لنا : قلم ؟

قلنا أيه !

و مع الحماس قلت : فيه مخدراات

ابتسم وسكت .. < لزوم الحماس

بعدين قال من يتطوع يفتح يده ؟

عاد فتحت الاستاذه يدها .. وصبّ شوي من المسحوق عليها , وقال : مخدرات !

ءء


عااد نعلق ع الاستاذه ونقول لها انتبهي تشمينه بس

بعدين تكلم وقال لنا عن واحد جاهم ورجله مجبسه بلاها مكسوره ,

يقول فتشنا الجبس .. واثره حاط سكين بين الجبس والساق

هذا غير سالفة المخدرات وكيفية استلامها و و

انا لله وانا إليه راجعون . . > <

السؤال هنا :

وش بتستفيدوون ياناس اذا جبتوا سكين ولا مخدرات ولا ولا ؟

جايين تتفرجون وتستانسون ولا تتذابحون انتم ؟

بعدين تكلم لنا عن حركة الزلزال اللي يسوونها بالملعب ,

تدرون انها تكلفهم حوالي 50,000 ريال للتصليحات بسسس !!!

يعني معليش .. المكان مو ملك لك ولا هذاك .. تحوسه وتخرب فيه ليش ؟

ع قولة جدتي ( جلد مهوب جلدك , جرّه على مرّ الشجر )

يعني وبعدين زلزلت العالم , وزلزلت شياطينك معك , وخربت كرآسي الملعب

وش صار ؟

وش اسستفدت من هالهبال ؟

وبعدها تكلم عن أثر التربيه , و مو كل واحد يحجر عياله ولايطلعهم ولا شيء ويقول عيالي أحسن تربيه ..

التربيه اذا ربيت المجتمع كله وقدرت عليه

وكلام كثيير , أوجزت لكم بعضاً منه

وذكري له مُجرد إيصال لِ رسالة وقد لايسمعها الكل ,

ولكني آمل التغيير للأفضل والأرقى والأجمل والأكمل بإذن الله

نتااابع . .

بعد ماكمّل كلامه اللي من جد كان شيء وااو ماشاء الله , وانسمجت معه ماآره

قال للأحد الاخوان ياخذنا معه نتفرج ع الغرف والملعب ,

اول شي غرفة الحكام ..



من جوّا /


بعد ماطلعنا مشينا بسيب طوويل , وعلى جانبه

غرفة الرقابة ع المنشطآت


و قبال هالبآب تجيك قزآزه عريضه ..

تطل ع صالة الالعاب > لعبنا بأبوها هالصالة

مير ياحبيلهم ماقالوا لنا شي :$



مشينا شويات قدام .. و صورت هـ الشيء


طبعاً مادخلنا هالغرف , مجرد من برآ صورتها

وآخر السيب يقابلنا درج , ننزل منه

ويطلع لنا مخرج لصالة الالعاب ع ما أظن


ويقابلنا درج نرقى منه ونروح لغرف العلاج الطبيعي وغرف الفحص والحمامات وغرف العنايه بالقدم وهيك ,







الجآكووزي



أحد الحمامات .. << بتشووت



غرفة العلاج الطبيعي


وأخييراً وصلنا للصالة الرياضيه




بعدها مشينا لغرفة تغيير ملابس الفرق ,

وهـ الغرفه تبع الهلال :


مآصورت الا هالصوره , ولهيت مع الفرحه

( على كلام م.سليمان النمشان , يقول ان الاستاد مجهّز بِـ 4 غرف تكفي 4 فرق )

و احنا اختصاراً للوقت مارحنا إلا لغرفة الهلال والنصر أهم شي


وهذي غرفة التكتيك والتخطيط


بعد مانطلع منها نلقى درج يؤدي للساحة الخارجيه للملعب :



وقبآله غرفة النصر :





هوون صور متفرقه بعد ماطلعنا للساحه

* برآيفت للنصراويه :

لآتضيق صدوركم .. راجعين للغرفة حقتكم بعد شوي






آهـ بسس ليت من يركض به





المدرجآت .. << ابد ماجلسنا عليها


عند الصالة الملكيه ,



لقطه من فوق ..




هـ الخلايا ترقى لها عبر اصنصير خاص , ومن خلالها تقدر تتابع المباراة بكل وضوح



هوون وهم يقصقصون العشب


فقط مجرد تذكير أنه برعاية نادي الهلال

< ابتشووت صصصدق

يوم جينا ندخل , استقبلنا هـ الوجه السمح ووزع علينا عصير ربيع

واستأذنته بالتصوير ووافق ..

وبعد ماصورته شكرني :$

اسستانس ياحليله

بعدها دخلنا داخل ..

و دخلنا لغرفة النصر :


ومن ثم طلعنا من الباب اللي يجي منه باص اللاعبين

يوقف الباص هوون :


ويدخلون من هنا :


طبعاً وقف باصنا واخذنا من هنآ ..

وانتهت رحلتنا 😀 !



وشسمه , سآمحوني ع القصور .. ,

و عذراً ع رداءة التصوير > < .. ولكن نظراً للاستعجال لأني أصور قبل لايدخلون البنات ..

واذا صورت بعد مايطلعون ,, ألقاهم ساحبين علي و مبعدين

– نقطة مهمّه أحب اوضحها !

زيارتي للملعب ماكانت لغرض كروي “ كما يقول البعض ” كثر ماكانت فضول واستطلاع وحب التعرف على أماكن ماعمري زرتها

وكثيير كانوا يقولون :

– الحممدلله وش يوديكم للملعب ؟ ولد انتِ ؟

– يؤ يؤ ! ماهقيينااك عربجيه لهالدرجه , موو باين !

– يييع وش تبوون بالملعب ! حرر وشمس !!

يااناس افهمووني :”( !

وقسسم مهيب عربجه ولا عيال ولا شي !

وبعدين ليه رآبطين فكرة ملعب = عيال – عربجه – هَ يَ طْ 6 6 6 – الخ !

هي مجرد زياره ! أول وآخر مره بحياتي . . مالي غيرها !

> إلا عاد اذا سمحوا بعدين بدخول البنات للملاعب فهذا شيء آخر , مع اني ما أفضل يصير هالشيء بصراحه

>> عااد ألحين يبي يشوتوني البنآت

اهاا بس .. هذاني وريتكم صور الملعب وكلش

فرجاءً مثل هـ التعليقآت ماأبيها . . لأني وضحّت فوق كل شي =)


وبس !

المآيك لكم .. =)