الربيع مواريه تسر الخاطر بالصمّان

المهم خل عنك المقناص وخلنا بعلوم السيل والربيع والفياض
منها فيضة ام قليب وفيضة ام المصران


وهذي الصوره اعجبني فيها ميلان الخط وفيه ماء

وهذا منظر للابل وهي بطرف الفيضه

وهذا انا ورفيقي وقفنا بهالخضار نحكر لنا براد شاهي وناكل لنا شي خفيف(استراحة محارب)

وهذا راعي البل على الركبي مع الصبح اول طلوع الشمس

وهذي بعض البلابل على السدره

وهذي لوحه لصاحب منحله عند ام المصران

وهذا الدرجلان وبعض الناس يسمونه حجل او دورجان

يازينهن بقصديره على الجميرات

وهذ الظاهر انه بصو او احد انواع الطيور يقتات على بعض خشاش الارض

وحنا نقنص طحنا لنا بمكان مليات ضبان وشد انتباهي هالضبين اللي تقدر تراجلهن (الوعد شهر خمسه ان شاء الله)

على العموم باقي الفياض ما اعرف اساميهن

صور من الصمان

هذه صور رحلتي يوم الجمعة 16 / 11 / 1429 مع رفيق الدرب كالعادة الشايب ( أبا عماد )
وقبل أن نبدأ بعرض الصور إليكم هذه النصيحة الجميلة والمعبرة
أخواني وأحبابي في الله السلام عليكم ورحمة الله وبركاته نحمد الله العلي القدير على مارزقنا ومنّ علينا بفضله
بهذه الخيرات والأمطار التي نسأله تعالى بان تكون أمطار خير وبركه وأن يجعله صيبا نافعًا
أخواني لاشك بان الارض ازدانت والخير باذن الله بالطريق الله يرزقنا من فضله
وزان المكشات والطلعات بالصحبه الخيره والوناسه اللهم لك الحمد والشكر
ارجوكم رجاء خاص أحبابي وطالبكم طلبه أخواني المحافظه ثم المحافظه ثم المحافظه
على نظافة الارض ولا تترك شي خلفك الا ذكرياتك وحاول بقدر الامكان ان تكون
شبة النار في مكان مناسب بحيث انها ماتأثر على العشب والربيع
لان المكان الي جيته راح يجيه اخوانك من بعدك ولا تخليهم يدعون عليك ويمكن
انت ترجع لنفس مكانك ولا عاد تقدر تجلس فيه
اسف لو طولتها وهي قصيره اخواني لكن شي بالنفس وحبيت اقوله
اسأل الله تعالى بان لايحرمنا وأياكم الاجر وأن يرزقنا برزقه يارب

والمكان جهة الصمان الجنوبي جهة شوية وما جاورها من فياض