وجبة ” مندي ” تسببت في غرق سيارتي ..!

والقصة بدأت حينما اتصل بي صديقي رائد .. من الخبر ،، وقالي
وش رايك نتغدى سوى .. مريت رائد وطلعنا على … ملك المندي !

نهاية كورنيش الخبر فيه مكان جميل جداً .. كأنه جزيره ..
وقفنا السياره ونزلنا الفرشه وتغدينا ..

هنا رجل ومرته يتمشوووون .. لأن المكان طبيعي ومغري جداً ..
طبعاً بالنسبه لــــلغشمان اللي زي حلاتي ..!

بدأ المد بالخروج ولم نتوقع سرعته أبدً .. لأنه وافق هواء شديد والقمر ..
الصراحه مادري وش الطبخه … جلس واحد يشرحلي ولا فهمت !!

دقيت ريوس بيعي زي مادخلت .. ولكن للأسف .. الأرض أصبحت خلب ..
حفرت السياره ولا ينفع لا دبل ولا غيره ..

وهنا بدأ الوضع يزداد سوء ..

ازداد الوضع سوءاً على سوء .. وأنحصرنا وأصبحنا داخل الجزيره ..!!
وتلاحظون خفر السواحل مشغل السوفتي ويكبس ..
طبعاً هذ اللي قدروووو عليه ..
مابي أتكلم فيهم علشان وعد قطعته مع أحد أفرادهم ..
ولكن للأسف من 1:30 ظهراً وحتى الــ 5 عصراً .!
وهم يشاهدون السياره تغرق ودون أدنى مساعده ,, حتى أقل
مواد النجاة ( الحبال ) غير موجوده !! كل هذا ولا تكلمت تراي ..

صور توضح ارتفاع البحر … وغرق ال سياره وابتعادها تدريجياً ..

أخيراً .. وصلت فرقة الكوماندوز على الطراااااااد الديزل ..
وطلبت منهم نقلي للسياره بحجة وجود جواز السفر !!

وعند الإقتراب من السياره .. طلعت الكمره .. !! وتفاجئوووو ..
س/ وش عندك ؟
والله ماعندي شئ .. لا جواز ولا شئ .. بس مدام اسياره غرقانه وراحت
خليني أصور على الأقل ذكريات .. !!
وماقصرووو تعاونووو معي وقربووو للسياره وصوروني وسبحت ..!

طبيت البحر .. وصورت من الداخل ..

سواق .. ومعاون .. وغواص !!

ياهووووووووووووووووو . بس برررررررررررد !!

ماقصرتووووو ياشباب .. على الأقل طلعنا بكم صووووووووووره .. !

وقبل الغرووووووووب .. بدأت تغرق بالكامل ..

نستغل الفرصه ونصور منظر الغروووووووووب ..

في الغد .. ياترى وش صاااااااااار ..؟
السياره موجوده وإلا راحت وإلا وش .. صااااااااااااااااااااار ..
جووووووووو الرجااااااااااال .. شعب الباكستااااااااااان !!
مالك إلا تدبر نفسك .. انس احد يساعدك ؟؟؟؟؟؟؟؟؟؟؟؟
شوف التنسيم بعدين الفدائيه .. ههههههههه

مكان السياره لم يتغير …. بسبب الغراااااااز .. وتم سحب السياره !!

لايفوتك درج الأغراض الشخصيه .. حوض أسمااااااك ..

الحمد لله على السلامه ..

هنا بعد عملية الانقاااااااذ .. النقل ، للغسيل !!

وطلعت العرووووووسه من جديد .. بس يبيلها شغـــل .. هذا إذا رضت علي؟

هذا اللي طلعت منه بالسياره ..

رحنا نتغدى بنفس المطعم من بكره . . بس محلي .. مافيه سفري .. هههه

منقول