مواطن يحول سطح منزله لمسجد ويعلّق عليه صوراً لملوك وأمراء السعودية

صور من مقاطع الفيديو

هذا رجال مستأجر بيت في حي شمال شرق الرياض الرجال
طيب وعاقل بعد فتره من سكنه ما ادري وش صار وقام وفجأة
علق صورة الملك عبدالعزيز فوق البيت وبشكل كبير ولوحه

مضاءة بأنوار وصورة الملك فهد وصورة الملك عبدالله وصورة
الأمير سلطان وصورة الأمير نايف وصورة الأمير سلطان بن
سلمان وهو لابس لبس روادالفضاء أيام رحلته في الديسكفري
وكل هذا كوم مع انه غريب يسويه احد في بيته عاد شلون
يسويه واحد مستأجر في بيت غيره الأغرب انه حول سطح
البيت لمسجد وكتب إعلان على باب البيت يوجد وظيفة مؤذن
ووظيفة أمام شاغرة طبعا زوجة هالرجال وعياله طلعوا من
البيت وراحوا لراعي البيت وعلموه بالسالفة راعي البيت جاء
للمستأجر المسكين وقاله اطلع عن البيت قال ماراح اطلع
وهذا مبلغ الإيجار خذه قال ماابي فلوس أبيك تطلع وتفكنا أنت
قلبت بيتي لمسجد كأنه ملك أبوك قال المستأجر اسمع بتاخذ
فلوس الإيجار وإلا بكرا بتجي وتحصل فوق البيت كعبة راعي
البيت راح واشتكى للجهات الرسمية والقضية الآن تأخذ
مجراها الرسمي

شوفوا المقطعين واحمدوا الله على نعمة العقل

المقطع الأول

لحفظ المقطع إضغط على الصورة بالماوس اليمين وإختر حفظ الهدف باسم

حجم المقطع : 366 كيلوبايت
نوع الملف : 3GP

المقطع الثاني

لحفظ المقطع إضغط على الصورة بالماوس اليمين وإختر حفظ الهدف باسم

حجم المقطع : 1 ميغا
نوع الملف : 3GP

منقول من الأيميل والعهدة على الراوي