بدآيتي معكم .. =)

بسم الله الرحمن الرحيم
كيف الحآل , واخباركم اعضاء قروبنآ الموقر ؟
تعرفون هذا الشعور اذا كتبتوا مقدمه وش طولها وبعدين تنمسح ؟
لاآآ والمشكله مانسختوووهآ !

/

عشان هيك منب عآيدتهآ .. كذا مزآج !
..

بدايةً ..

حيآكم الله , هذا اول ايميل لي فالقروب وان شاء الله ماراح يكون آخر شي

\

بسم الله الرحمن الرحيم , كمآ قلت سابقا

اسمي : السعوديه ,

يدلعوني : سعسع , سعسوعه , صرقوعه لو تبون

واسمآء ثآنيه اووب لازم تعرفونهآ اهم شي ذولي

انسآنه تعشق التصوير ! وتتمنى تحترف فيه

اممم , اغلب مواضيعي راح تكون صوريه , ومن تصويري شخصيا ..

وقد تلآحظون من كم موضوع راح انزله بإذن الله “ من أرشيفي

انوو موجوده بمكآن ثآني , وقد تعتقدون اني لاطشته

بس أحب أأكد لكم اني أنا صآحبة الصور هذي عموماً

/

مواضيعي اللي من أرشيفي كمآ قلت سابقا هي :

- عيدك فـ مكه غير ! >> الموضوع رآح يتجزأ لـ 4 رسائل بإذن الله

لآنه طوووووووووويل *_*

- في حديزة الحيوآن .. > اذا لقيت الصور محفوظه للحين عندي رآح انزله بإذن الله

ومواضيع أخرى , كلها هيك سوآلف وصور وقصة حيآتي كل ابوها !

لكن يشترط اني اعرفكم بالشخصيات اللي اجيبها دايمن في قرقي الجميل

ألا وهم :

اولا : الشخصيه اللي لها فضل بعد الله في تطوير مهارتي الكتآبيه الجميله ! :

سوكينه شغآلتنا حفظها الله

وأيضا أمي الله يخليهآ > مدري اذا بتدخل ضمن السوآلف ولا لا .. ولكن هذي الأم ويجب اننا نحطها في عيونّا قبل كل شي

ولا يهون ابو سعسوعه الله يخليه , وايضن اخوها الكبير اللي بالرغم من مصالته إلا انه أخ جميل ورائع

:

فـ البدآيه , وبما اني اول مره اكتب لكم وهيك , احسني كيذآ مستحيه < ايه هين

ذآ وشسمه , يعني بما انه اول يوم لي ووش حليلي عآقله وما أهذر واجد رآح أعطيكم نبذه بس عن حياتي وتصويراتي الجميله ,

يالله نبدأ في الصور على بركة الله :

مو تونآ مخلصين من الاختبآرآت صح ؟

ايووآه طيب وش كنّا نسوي بالكتب وبكل شي

لألأ مانشققهآ , غلط ياشاطر تشقيق الكتب غلط !

المفروض تحطونهآ بالحاويه ولا تحتفظون بها في منزلكم الموقر !

لاتشققها ياحلو طيب ؟

< يووومه وش احس فيه !

انا اعلمكم وش نسوي بالكتب وبكل شي

نحفظ الكتب في رفوف ولانقطعها .. حتى مايزعل أبونا < احسني بنطق

لآلآ خلاص من جد من جد وقسم هه بعقل :

بالنسبه لي شخصيا , كـ انسانه تحترم المجتمع وتحترم الدراسه ومقاعدهآ , مااقطع شي < صفقوا لها

لكني أكتب عليهن وآآجد مرره .. سواء بايام الاختبآرآت ولا غيروو ! لآني اعتبر الكتآب كـ مُتنفس لي

و لآنه ملآزمني 6 ساعات متواصله

غير كذآ بالنسبه لاجواء الاختبآرآت .. تزيد الحاله سوء ,!

واصير اكتب على الدولآب والجدرآن والمرآيه / بالاقلآم الفسفوريه ..

< أول سنه تصير لي هـ الحاله الخورافيه !

قولوا الحمدلله لايبلآكم الله وتصيرون زيي ,

وتخلون اخوانكم يحارشونكم ويمسحون الفنون اللي رآسمينها ع الجدرآن !

بس لحدن يشره .. وقسم هـ السنه غيييييير ×_× !

كنت أتمـــنى العطله تجي .. واسبوعين ورا بعض كرررف , اول مرره يصير لي هيك ×_×

والمواآد كثيرآآه وطويلآآه ومدري وشلون بس ..

الحمدلله اللي عدّت ,

أذكر آخر يوم .. يوم خلصنآ اختبآرآت ..

اذكر اني طلعت من القآعه وخشتي ماطاعت تنصمّ من زود الفرحه ياعميري

احاول اصمّهآ ماش ماقدرت ,

واوول ماطلعت برآ .. حسيت فيه طاقه فيني جوّا كل مالها تزيد وتزيد .. وبدأ قلبي بالخفقآن < يحول

ويضرب بقوه بقوه , وفجأه بووم !

لآ عاد اوب لهالدرجه ..! بس أنفجررت فجأه

وصرخت بأقوى حييلي عشان اطلع الطاقه الداخليه , وماهي إلا لحظات إلا وبنات ثآلث علمي طالعين كلهم ومع بعض يصرخون

استانست لهم والله , قلت ذولي هم اللي من جد لـ صراخهم طعم ثآآني !

عآد عقبها سلمت على البنات ورحنآ لبيت وحده من صديقآتي , هـ المره الدور عليها تعزمنآ بعد الاختبآرآت > حشى دوريه !

بعد ماسلمنا عليها وهيك , قدمت لنا كبتشينو وكيك ,

وانا مع الجوال في كل مكان وزمآن .. للتصوير :

< لاتدققون واجد .. عند هذيك السيديآت اللي ورآ

> أستاذة طلبت مني اوزعها ع البنآت , وبقى معي بآقي وجبتها معي بس

المهم ذآ اوب موضوعنآ , بس مدري وش نقزني !

اصلن كنت اتكلم عن الجدآرن الملونه

نصحيه جربوهآ ع الجدرآن اللي يتسند عليهآ السرير .. < يآرب فهمتوا قصدي ماعرفت اوضح

عشان تصير مساحتكم ولا احد له دخل ..

اذكر قبل كم اسبوع كآن علينا اختبآر كيمياء من بكرآ , والاخت فالله مروقه !

أجل بالله قد شفتوا احد عليه كيميآء ويروح يفتح كميرأ الفيديو ويصور نفسه وهو يسولف

لآآآه وينكت بعد

كلما شفت المقطع فطسسست من الضحك مدري وش احسآسي وقتهآ !

ولا اروح اشغل كميرآ الجوال نفسهآ واصور الغرفه ,

يعني من زين الغرفه عشان تصورينهآ !

بس من جد ذكريآت شي

< حسيت ا ني عجوز ام 90 !

ايه اقولكم , الكتآبه على جدرآن منزلك أفضل من الكتآبه على الجدران في الشارع وغيره , لآن المنزل ملكك !

بس الشارع اووب ملكك

< تسمع بالنصايح

* مثآل حيّ :

هذي انا الله يجيركم بنفس اليوم اللي فيه اختبآر كيم , من الفضآوه حسيت اني لآزم اكتب ع مساحتي اللي فوق سريري !

مسكت الاقلام الفسفوريه وكتبت اسمي !

همين سكّتّ شوي قلت لآزم أحس اني البنت المبتسمه المحبه للخير .. < مرره !

رحت وحطيت بجنبه ذآ الفيس وقلب

بعدها ذاكرت درس او درسين , وبعدين رجعت قلت لآزم أحط خطوط تحت اسمي !

حطيت خطوط بكل قلم من الآقلآم الجميله الفسفوريه ,

يإلهي يالجمآلها الخلآب !

رجعت أدرس , بعدين رجعت قلت لآزم أحط شمس فوق اسمي مايصير كذا ظلم !

وانا مااستعملت اللون البرتقآلي كثير < عذر اقبح من ذنب !

ووو الخ !

لين ماطلعت لكم بورود وشمس وقلب وفيس مبتسم ونجوم وسمآيلآت !

/

وماذآ أيضا ً ؟

امم , أي !

يوم السبت علينآ اختبآر ريض .. وكنت وقتهآ مسوية لنفسي ايحاءات ايجآبيه حول درآسة الكتآب واسوي
محفزات لنفسي .. عشان اتحمس واجيب نتايج صح ! < متحمسه بقوه

عآآد كل من مر بالغرفه وقرآ الكلآم , ردد : الهمه الهمه شدي حيلتس

كرهوني بهآ , اصلا انا المهبوله اللي اكتبهآ قدآمهم ..

وبعدين انا كاتبتهآ بأسلوب عبط عشان استانس لاقريتهآ < باللهِ

انتم وش دخلكم تقرونهآ .. ؟ حقتي ولا حقتكم < لايكثر

تسريحتي الموقره , كله مع عوامل الحماس الزايد :

جدول الاختبآرآت ع يمين + الورقه التحفيزيه

وبجانبهمآ جدول زيآده يعلمني متى موعد العطله وبداية الدرآسه > اكتشفت مؤخراً أنه حق عآم 1428 !!

و ع يسآر جدول الأيام اللي اشخطهن

/

يوم الثلآثاء قبل نهاية الاختبآرآت بيوم :

جدولي اللي كآتبته من قبل الاختبآرآت , كنت انتظر اليوم اللي نخلص فيه =( :

قمت الصبح من الساعه 4 .. صليت , بديت اراجع ..

جت الساعه 6 الا ربع , وخلصت المرآقعه ..

قلت لآزم اسوي لي فطور شي ! دآيم افطر كورن فليكس , ولا توست مع جبن + خس وعصير !

وآآآو تذكرت نظآمي ايام الاختبآرآت

كآآن شي ,!

كنت اقوم بكير وانام بكير , والشيبسآت والخرابيط ماكنت آكلهآ !

بس ماامدآ يخرب

ألحين سهر , وكل عصريه لازم سنكرز , < اهم شي ,,

الموهيم , رحت قلت اليوم بسوي شي يفيدني !

فتحت الثلآجه , وقررت اسوي بيض ! فيه بروتينآت واشياء مفيده

وانا اطبخه استانست حسيت اني مسويه انجاز ! قلت لازم اصوره

ترى هذا مايعني اني ماادبر الطبخ ! ,, لآلآ بالعكس انا طبيخه < من جنبهآ !

اعطيكم مثآل : هـ المرآصيع من مزينهآ ؟

و وشلوون طيب ؟

خلو امكم يوم تعشي وحده من زميلآتهآ , همين داهموا المطبخ عليهآ ..

وناظروا وشهي تسوي .. بعدين خذوا العجينه اللي ترصع فيهآ وجربوا تزينون زيها

همين تبي تستانسون عليهآ تحسون انه شي فله .. واعرضوا خدماتكم

طبعا بالبدايه امتس تدري ان ماوراتس الا البربسه , بس انتِ صيري البنت السنعه ..

ورصّعي بكل طاقتس لين ماتحستس متحمسه مع الشغله ..

وكذآ وانتِ ترصّعين رددي :

ابد ماعليتس , يبي يصيرن ازين من حقاتس ..

همين امتس تبي تعتمد وتطلع وتخليتس تكملين .. ولاهيب مخليه الشغاله تسوي شي انتِ ازين من الشغاله !

همين اقعدي رصعي رصعي رصعي اليييين ماتحترّين وتحسين انتس منبوذه من العالم ,

لآلآ امزح , وش زينها البنيه اللي ترصع .. هذي اللي والله نبيهآ لولدنآ

وبعدين اذا خلصتِ كل شي , روحي غسلي وجهتس الحاااار بمويه وغيري بجامتس المليئه بريحة المرآصيع

وقضينآ ! مايبيلها شي سهله !

بسسس خلي العجينه ع امتس تزينهآ وعليتس البآقي

بس تدرون وين المشكله ؟!

المشكله انتس اذا اتقنتِ الشي من بدآيته , تصير امتس الله يخليها دايم تطلب منتس تكملين عنهآ

فلذلك البنت العجّازه توزي موهبتهآ حتى تحس انها ستنفجر من كثر المواهب اللي دآخلهآ

همين تروح تعرض خدماتها !

/

وحتى الآن ونحن في الآختبآرآت واجوائهآ :

هـ الاشياء وانا اذاكر لقيتني كآتبتهآ في بعض الكتب :

اولا /

المكتبه :

الترجمه : وئاموه الله يآخذ عدوتس لآعآد تفتشين =S

حرآم عليتس وقسم تروعت =(

طبعا هـ الشي كتبته فـ الحصه , حيث ان الاستاآذه أول مادخلت علينآ

دخلت ورآهآ المساعده حقتنآ .. اسمها ” وئآم

قآلت : يالله بنات تفتيش , قوموا كلكم وارجعوا ورآ ! لان الظاهر فيه بنت جايبه جوالها من فصلنا

المهم ان كل البنات قاموا ورجعوا لآخر الفصل , وقامت الاستاذه هي والمساعده يفتشون الشنط .. مالقوا شي

بعدين جت المساعده تفتش البنات بنت بنت .!

انا اناظرها تفتش البنآت وأزرط من هـ السنكرز بس احتري متى يجي دوري < اهم شي ان السنكرز معي في الحل والترحآل

يوم كيذآ لاحظت انها فتشت صديقتي واخذت اللآبيلو منهآ =(

تقول انه مخالفه ! يابنت الحلال حرام عليتس تشققت خششنآ مع هالشمس < وش دخل !

وتقولين مخالفه ..! والله مالتس داعي صراحه وقسم ازاعلتس هه

وانا معي بمخبآتي واحد .. قلت ياربيه وش اسوي .. رحت مسكته مع علبة المويه وبيدي الثانيه سنكرز < انا لله ماخلص للحين !

المهم جآ دوري .. والمساعده حقتنآ كذا تستبعط علي دايم , المهم قآلت اييه يآسعسع أنتِ معآج شي عآآرفه

< زبيريه حقتنآ

قلت لهآ : هههههه > يآظررفي

المهم جت تفتشني .. , انا اخبر الناس اذا فتشوا يلمسون الجوانب اذا فيه شي ولالا .. وخلاص يمشونك

انا فتشتني وبعدين فجأه كذا رفعت مريولي !! تبي تشوف جزمتي مخالفه ولالا !

وانتم بكرآمه ,

ردة فعلي تلقآئيه مع الروعه .. صررخت ! وقمت أنزل مريولي ورحت اركض لمكاني < علي شكل مدري وش يبي

هي قآآمت تضضضحك , جعلها للشرقه

لآلآ استغفر الله , الله يصلحها بس

مايضحك مايضحك ! تهبليني وتضحكين

ويوم رجعت مكاني ماكملت السنكرز من الروعه الله يقلع بليسها < حالفه اني لا اكمله

حطيته بالدرج وقمت اضحك < مهيب متروعه

و ع طول كتبت هـ الكلام بكتآبي !

ومن عقبها مآصرت اخليها تفتشني , لان تفتيشها مدري وش يحس به

الادب :

هنآ ماخذين خطبة البترآء .. عآد وقتهآ كلمة [ مُتبلده ] شويه عليّ !

تجيني حآلآت تبلد مووب طبيعيه =S

الترجمه : وبُتِرت المشآعر !

وللحين وحنّا فـ كتآب الادب ,

اذكر ان لي فتره ماآشفت بنت عمتوو < وللحين مآشفتهآ ..

ووقتهآ كنت اتذكر ابيات فهد المسآعد يوم يقول :

علمهآ كيف انشغل عن كثرة أشغآلي .. واسرح , واغمض عيوني واتخيلهآ ..

وانا ماتعوق معي كتبتهآ ع طول :

طبعا انا سرحت وغمضت عيوني , وتخيلت اننا بالاستراحه , سهرآنين نسولف ونضحك ووناسه

اللآه شي حلو

أحد الكتب رسمت هـ الفيس فيه , وعجبني :

/

بعيدا عن مقاعد الدرآسه نذهب إلى حصة التعبير .. <

هالحصه ما اعتبرها شي يخص الدرآسه , لانها تعبير نعبر فيها عن شي من دواخلنآ !

كان علينا كتآبة مقال وصفي .. بالترم الاول الظاهر ..

وانا قلت هـ المره بكتب بـ قلمي من جد .., ولازم اعطي نفسي جو !

عآد تحمست بزياده , واذا تحمست جبت العيد

كآن ع بداية الشتآء الظآهر .!

اخذت جآكيتي , وفرشت لي فرشه بالحوش .. وجبت لي بربيكآن فرآوله .. وجلست جنب الزرع

واخذت الدفتر وقمت اناظر القمر واكتب ..

< اسمع بالاجواء الشاعريه .. الرومنسيه .. اللي تخليني اوصف الليل صح

صحيح اني وصفته , واستانست الاستاذه علي مآره .. لكن مااعطيته حقه من جد !

لان الليل حآقه تآآآنيه خآآلص ! تسسطل !

وهذآ مقالي الجميل :

الـلـــيـــل

وهذي جلستي الأجمل :

—

وهيك انتهينآ =)

/

مايُستفاد :

- لاتكتبون بالجدران عشان مايروح تعبكم هباء ويمسحونها اخوانكم .

- اثناء الاختبآرآت ارسلوا لعقلكم الباطن ايحاءات ايجابيه بحيث تعكسهآ على صحتكم ودراستكم
وكل شي . < ياملحي وانا جدّيه

- الواحد اذا صار عنده اختبآر كيم ولا غيرو , مايصور نفسه ولا يسولف مهمآ كآن , فقد تقع في يد أحد همين
هنا البلشه وغير كذآ قد يتحول لـ مجنون بسبة القرقه مع النفس

- ان البنات حتى لو انهم عجازات ولا ماعندهم مواهب, لآزم يساعدون أمهم بالمراصيع والطبخات الاخرى مهما
كان الجنه تحت رجلينها المسأله مهيب سهله .. < ياحبيلي وانا انصح

- الواحد لازم يعطي نفسه جو ويتحمس مع كتاباته مهمآ كانت صغيره بنظر غيره , لان كل شي راح يتضاعف
بعدين ويصبح من المبدعين بإذن الله

/

يارب ماثقلت عليكم بس ,

واشوفكم بالايميل الجاي ان شاء الله

اللي يحمل عنوآن : فـ بيت جدتوو

> ترآآه طويل مآآره !

من الحين اقولكم , خلوكم مستعدين ..

ففي كل مره تبي تكثر الهذره وتتضآعف

والله يعينكم ع صكّة الرآس

تششآو =)